*↘..Ishi - Shayaad ..↙*

Haar baar ki tarah mera kaam khatam karke office se nikalne ki tayyari me thi..Aur barish ne apna mijaaz badal dia.. ajj ka hi din mila barasne ko..
mai soch rahi thi... dher sari shopping karu... ghar jana hai kal to....mom dad se milungi.. sab dosto se milungi... bohot din ho gae hai unnko mile hue...
jabse ahmedabad aai hu, dosto ko to jaise bhul hi gai hu.... na kisise milna hota hai abb... na hi baat hoti hai..... varana pehle to pura din.... adhi raat tak chating aur phone par bus lagi rehti thi innke sath,inn dosto ke illava dunia hi nahi thi..... school ke saare dost. college ke dost.. mom kehti hai tumhare dosto ki to mai ginti bhul gai hu... sach hai... mujhe dher saare dost banane ka shauq hai... rather tha.....
abb kuch nahi. abb jhindagi bus 9 to 6 ke bich baat chuki hai... ghar aake vahi khud sab kaam karo. khud khana banao.
ufff soch kya rahi ho pagal... di bhi wait kar rahi hogi.... choro ye barish ko .. abb nikalana hi padega..

yahi sochkar mai nikli bahar...bahar thandi thandi havae chal rahi thi....
barish bhi khub joro se ho rahi thi.... vaise to poora saavan to tarasa gai thi baarish..
ajj achanak ye kya ho gaya?

thodi der aise hi ruki rahi... kya karu?? nikal jau???? richshaw bhi thi nahi vaha... chalo jab chhata lai hi nai hu... to abb bhigana tay hai... to ruk ke kya karana..

achanak ek bike ruki mere samne....samne Aman tha.. ek minute dekha maine aur andekha kar dia... par vo mere samne hi khada tha...
Aman, "Chor du ghar.. Barish tez hai....chalo beth jao.."

thoda idher udhar dekha.. kya bahana banau?
Me "Hey its ok... i will manage...bike pe bhig jaungi"

Aman, smiled, "Aur kitana bhig jaogi...tum already bhig chuki ho..."
Vo samen aaya to itna confuse ho gai ki kab bhig gai smajh hi nai aaya...

Shayad Aman ke khayaal ajj bhi mujhpar asar karte hai..

ek din tha jab vo aae.. to sab kuch bhul jati thi....Vo asar ajj tak baki hai.

Kuch sochkar mai bike pe beth hi gai....
shayd ek saal bit gaya... aise bike pe beth kar hum dono gandhinagar highway par ghanto ghuma karte the....

yahi barish ka mausam hua karta tha.... barish hum dono ko acchi lagti hai.....
usse barish me tez bike chalana accha lagta hai... chhuti ke din long ride par jao.. barish me bhigo... fir vahi highway par chai pio... makai khana iss mausam me usse kafi pasand hai....har sunday barish ke mausam me hamara yahi kram hua karta tha....

vo mausam badal gae... vo din badal gae...khair

achanak break lagi ... mere yaado ko bhi break lag gai....

ufff ye bhi na hamesha ki tarah wrong side chala raha tha aur vo bhi tez.... samne se turning pe achanak koi vehicle aa gaya...
bus maine usse daatana shur kar dia....


"kitni baar tumhe smajhane ka... ki shortcut mat lo.... huhhhhhhh... kab sunoge tum meri baat...."

Aman, "Ease ease... Bus have....kuch nahi hua.. shanti rakho..jabb dekho toofan pe savaar hoke mujhe daatana shuru kar deti ho.... natak kahi ki...."

Achanak se kitne der se khamoshi ne jo gher lia tha... vo toot chuki thi....ya kaho kai dino ki khamoshi toot chuki hai....

Par ghar najdik aa raha tha... ek taraf lag raha tha ghar jaldi kyu nahi aa raha.... ek taraf lag raha tha... waqt ruk kyu nahi jata....

Aman, "Hey kal Bhavesh ka call aaya tha... tumhe kia tha kya ussne call???"

Me, "Nahi to.. kyu??? kya kaha ussne???"

Aman, "Well....to tumhe pata hi nai shayd.. Seema is no more"

WHAT???????

Agge Aman ne kya kaha pata nahi... bus ye yaad hai mera sar ghum raha tha....

Dur kahi se Aman ki avaaz sunai de rahi thi.....

"Are u allright????"

ME, "Yes...."

Ye ho kya raha hai... abhi saal bhar pehle hi usski shadi hui thi... kitni khush thi vo.....

Hum sab log shadi me shareek hue the....

Seema... mere bachapan ki dost....THI.....Ajeeb lag raha hai ye word use karne me... par abb sach to yahi tha.....

Bachapan ke vo saare baatein ekdum se yaad aa gai.....
School se dosti hui thi hamari.... sath bade hue.... 10th std.. 12th std. fir ussne Commerce lia... maine Science..par college sath me jate the...usse career banane me koi interest nahi tha.... mujhe bohot padhana tha.... kuch karna tha.... usse ghar ke kamo me interest tha.... mujhe bus padhai aur baki cheezo me..... garba usse bhi pasand tha... mujhe bhi... masti karna usse bhi pasand tha... mujhe bhi.....

hum log saare dost chat pe mila karte the raat ko.....

ussne ek email id banaya... seapearl_***@yahoo.com...

pata nahi ye naam mujhe kyu accha laga.... aur maine bhi bana dia apna id ussi name se... heheheh bohot jhagari thi uss din mujhse vo... ki meri id chura li.....

vo din bit gae.. usski shadi ho gai... vo chali gai.... bach gai to bus yaade.....pehle phele usske calls aate the.... par mai hi busy rehti thi.....

mera birthday aaya... ussne mujhe call kia... "kab aa rahi hai baroda...???"

"Aaungi yaar... thoda time to mile...."

Mujhe sham ko baroda jana tha.....sabne force karke bualaya tha...

par uss din office me hi der ho gai... fir mann nai kia....
dusre din pata chala... mere le surprise party rakhi thi sabne... Seema bhi aai thi.... Wait karke sab chali gai...Ajj afsos ho raha hai uss din na jane ka

par fir apne problems me baki sab yaad kaha rehta hai...... bhul bhi gai mai.....
ussne kaha bhi tha... "jaldi aana... tum masi banne vali ho..... mujhe baby shower party chahiye thi tumse".....
"Ha re aaungi..... bus mom dad ki bday par aaungi abb... tab dher si baate karnege..."

But abb to bohot der ho gai......Vo abb kabhi nahi milegi mujhe....
Rona aa raha tha... Barish ka ek fayad hua.... aasu nahi dikhai die kisiko....
Sabne socha barish ki bunde hai....

Aman, "Ghar aa gaya"
Me, "Ohh ok... chalo bye...."

Aman, "You are alright na...Uper tak aau kya???"

Me, "No m ok...."

Ek baar ussne meri taraf dekha... kuch kehne ja raha tha...
bus itna hi kaha...."Chal bye......"

Bike start kia... chala gaya.......Mai usse barish me dur tak jate hue dikhti reh gai....
Vo chala gaya aur buss barish hi reh gai...
Pata nahi par ajj maan bohot udaas hai......

Ajj barish bhi ro rahi hai....Kuch logo ke bichadne par.... kuch rishto ke tootne par....

Samane se tabhi Di nazaar aai atte hue....apne app me hi uljhi hui..... thoda gussa bhi thi....

"Tum aa gai... accha hua yaar... i m fed up....."

Di ki baate shuru ho gai thi.... pure din ka kaccha chittha.....
Mai bus usski baate sun rahi thi.....bus dhyan kahi aur tha....
Dimaag me to hazaro khyaal aa rahe the......

Ek Seema ki buri khabaar.. Aman se ajj milna... usska sath bitae pal.....Sab yaad aa raha tha.....
Di ko kuch bhi nazaar nahi aaya.....
Na mera rona... na hi mera udaas chehra....
Vo apne problems bata rahi thi... ki ye hua hai... abb kya karna hai.. Usski aakho me gussa.. tension.... chinta....
Hasi aai mujhe tab.... ajj barish ko shayd mere haalat pe hi rona aa raha hoga.....

Chalo baarish tum ajj mere hisse ka ji bhar ke rolo.... mere pass aur bhi bohot gum hai samhalne ke lie.... aur Di ke sath vahi samhalne me lag gai......

Yuhi jhindagi beet jaati hai.....
Bus sath kuch yaade reh jati hai... vahi sath rakh lete hai.....aur jihndagi ki race me aage badh jate hai

Uss din ke baad maine apne Orkut Account se " SEAPEARL " nahi hataya....
Kyuki aur kuch to tha nahi... ye choti choti yaade hi sath rakh li maine.....

Ek aur din khatam ho gaya.... Kal shayad ek nai subaha hogi....Shayaad.....