The Story - Yaadein.....

By - Ishita Shah

Zindagi ek kitaab hai, aur haar roj isspe likhi jati hai kahania....Hamari khud ki to kabhi kisi aur ki...Khushiyo se saji kabhi aasuo me dubi...

Ye kahanai armano se bhari hui kabhi dukhi kar jati hai, kabhi hasi bekher deti hai to kabhi kuch sikh de jati hai....

Ha kuch dino pehle kuch aisi hi ek kahani likhi gai jo hamesha yaad rahegi.. kyuki bohot sare kadvi yaado ke bich ye ek aisi yaadein bikhrengi jaha par bichadne ka gum hai to sabke sath hone ka bhi ehsaas bhi hai....


13th Jan, 2011 :

Gtalk on kia kai dino baad. Kuch missing tha,
Ketan abb Online nahi dikhega kabhi. Maan kharaab ho gaya. Gtalk se logout kar dia aur orkut bhi band kar dia.

1st Jan, 2011:

"Happy New Year", 12:00 baj gae aur ye sms anne lage the, par mujhe pata nahi ajj badi jaldi nind aa gai thi. 11:30 baje tak tv dekha aur pata nahi kyu nind aane lagi, socha chalo so jate hai. Kai dino se nind gayab hai, ajj chain ki nind aaegi shayad. Par raat ko achanak 1:30 ko nind udd gai, pata nahi kyu. Sone ki koshish vyarth ho rahi thi to vapis tv on kia aur tv dekhne lagi aur pata nahi kab nind aa gai.

Subah nind uddi to dekha Aman ka call aa raha tha. Raat ko mobile silent pe rakha tha kyuki baar baar New Year ke Sms aa rahe the. Maine socha jane do New Year Wish ka call hoga baad me dekhenge. Call band hua aur dekha to 36 missed calls, aap re, itne saare calls. Aman ko callback kia, "Kaha thi tum, kabse call kar raha hu, tayyar ho ja baroda nikalna padega, Ketan nahi raha, Kal raat 1:00 baje ussa heart fail hua..." "What????"

Blank ho gai thi mai, kal raat hi to Bhavik ke sath Uttarayan ke planing kie the, Ketan ke lie sab freinds iss baar vapis baroda anne vale the 3days. Jaise 25th ko mile the sab hospital me. 2 din sab Ketan ke sath rahe, baat nahi kar pae usse par bus ICU ke darvajhe se usse thodi thodi der se dekhte the, usske lie dua kar rahe the sab. Par bhagavan kabhi sunta nahi, mera vishwas pacca ho raha hai vapis.

1st Jan, 2010 :

Ketan ka call "Happy new year". Mai jaag rahi thi aur Bunkistan me hi timepass chal raha tha aur sath me Ketan ke sath Gtalk par baate. Ye meri roj ki aadat ho gai hai piche 2 saal se. Addat ban gai hai usse baat karne ki jabse mai Ahmedabad shift hui hu. Din me office me pure din chat par, sms par bus ussi se baate. Login kia nahi aur usska message, "Moti kaha thi tu kabse, Gud Morning message ka reply nahi aaya". Usse baat ki 15 mins.

But iss saal ka 1st Jan koi aur hi message leke aaya.

14th Jan, 2009 :

Din bhar patang udake sab mile sham ko Bhavik ke ghar, vahi undhiyu aur icecream party. Fir sab Gola khane jate the.
Ketan ko uss din dekha to shock ho gai thi,uss din pata chala usski jhindagi ke bus 5 saal bache hai.
Uss raat mujhe Ketan ne sms kia tha,
"Ro kyu rahi thi pagal, abhi to marne se pehele 10 party deke marunga, 5
teri birthday party aur 5 meri birthday party".

10th May, 2009 :

Di ne jid ki aur maine birthday Ahmedabad me hi manai, dusre din pata chala Bhavik ke ghar mere lie surprise party rakhi gai thi. Sab aae the aur mai hi gayab thi. Bohot buara laga. Par di ka dil nahi tod sakti thi. Raat ko Ketan aur Bhavik ka call aya kab aa rahi hai? Maine kaha pata nahi, tum log jante to ho yaha di ko akela chhodke nahi aa sakti.
Mai aur di yaha Ahemdabad me shift ho gae hai job ke lie. Job aur ek dusre ko help karne ke chakkar me sare friends kaha chhut gae the pata hi nahi chala. Bus Ketan aur Bhavik ke sath hi baat hoti thi, sms ya chat se.

Aur pichale 2 saal se to raat din online milta tha Ketan. Usski Readymade garments ki shop hai, pure din vahi rehta tha vo, vaha se online aata tha. Aur jaab nind nahi aati thi to mujhe online milta tha. Mujhe aadat thi, usse din bhar ki baate batae bagair nind nahi aati thi aur usse meri khichai kie bagair. Usse kabhi kabhi davai aur pain ki vajah se nind nahi aati thi, to mujhse chat karta rehta tha.
Kabhi kabhi to raat ko der tak 3-4 baje tak baate karte the.

19 Dec, 2010 :

Ajj Ketan ko dekhne gai thi hospital me. Ventilator pe rakha gaya hai usse, doctors ne javab de dia tha. Par sab friends aae the, usska sab ne milke shayad 100 bottles khun dia hoga, aur doctors ne bhi mana 100% ventiltaor se 50% ventilator par aaya tha, ye sabki wishes aur vishwas ka hi natija tha. Lag raha tha abb sabka Vishwas jeet jaega.

2nd Dec, 2011 :

5 saal ka vaada teesre hi saal todke Ketan chala gaya tha. Ajj usska besnu tha, matlab shradhanjali. Ghar par aunty ka bp high ho gaya tha, par firbhi khana bana rahi thi. Usski behen sari tayari kar rahi thi. Ajeeb lag raha tha, ek to Ketan hai nahi ye gum tha par bura jyada ye sab dekhke lag raha tha ki saara gum bhulake inn logo
ko sab karna pad raha hai, unke koi relative bhi nahi the jo unnko help kare. Mai unnko help kar rahi thi khana banane me. Yaha mom ka call aa raha tha ki ahmedabad vapis jana hai, kab aa rahi ho? Aunty ko firbhi sab chiz me help karti rahi aur 2 baje unnko bola ki ab jana paadega mujhe. Aunty ne kaha ki aise nahi ja sakti, subah se kaam kar rahi ho, khana kha lo fir chali jana. Vaise bhi Ketan ki badi iccha thi tumhe ek baar khane par bulae.
Ketan ki baat yaad aai, 10 party celebrate karni hai abhi. Party nahi ajj aise din usske ghar hu. Khana gale ke niche utar nahi raha tha apr firbhi sabka dil rakhne ke lie kha lia tha.


Ghar jate hue sms padhe sab, Happy New Year.

Kissne socha tha ye New Year iss tarah shuru hoga. Kuch dino pehele hi maine yahapar ek thread banaya tha, Best n worst things happened in 2010.
Ussme likha bhi tha ki abhi tak nahi hua n hope aage anevale kai saal bhi nahi hoga. Par ye buri cheez to saal ke pehle hi din ho gai.

Gtalk par usse baat karna aadat ho gai thi, abb online aana bhi accha nahi lagta. Mera Orkut aur Gtalk ka safar issi friend ki vajah se shuru hua tha, baad me kai aur chehre mile, par abb unn chehro me vo chera kabhi najhar nahi aaega.... Kabhi Nahi....

Yu to ye kahani badi aam kahani hogi sabke lie... kyuki aise bohot sare logo ke sath hota hai....

Bus issme alag baat ye thi ki mere friend ko bachane ke lie vo log bhi sath aa gae the, jinnko shayad hum log jante bhi nahi the...
Kitne logone ussko khun dia... Ussko jaise thodi thodi tokdo me zindagi hi di thi.... Aur usske family ko ek Umeed di thi..

Mere bhi kai friend ne help karne ki meri request accept ki thi...Yu to vo mere iss friend ko janta bhi nahi.. par firbhi unhone bhi kaha ki agar jarurat pade , vo help karunge....

Ajeeb hai na.... Yu to hum log Jaat paat aur dharm par ladte rehte hai... Kisiski shadi toot jati hai kyuki ladka ladki ek jaat aur dharm ke nahi....
Do dharmo ke log ek dusre ke khun ke pyase ho jate hai, dharm ke naam par....

Par yaha bus mujhe ek hi dharm nazar aaya tha, INSANIYAAT.... Aise mauko par kisine ye nahi socha kaunse dharm ke ya jaat ke insaan ka khun kaam me aa raha hai...

To kya hame bus yahi dharm me manana chaiye aisa nahi lagta? Ye dharm ke thekdaar, innpar jab aisa waqt aaega tab kya vo bhi ye dekhte hai kya ki kisska khun hai jissne unnhe zindagi di....


Insaneeyat me maine believe karna chhor dia tha.. par isske baad thoda vishwas vapis aa gaya hai....Aur mai bus ek hi dharm me manti hu abb... INSANIYAT...
Aur meri sabse request hai ki baki log bhi bus issme beleive kare aur bus ek TRUE INSAAN bane rahe....

Raahe badal jati
hai, Rishte badal jaati hai, Chehre badal jate hai, Kuch chhod ke chale jate hai, kuch bichad jate hai....Nahi badalte to bus hum....chalte
rehte hai, ek aur manzil ki talash me.... Aur sath reh jati haiYaadien... bus Yaadein....